خطة حافز الجديدة

السلام عليكم ورحمة الله وبركاته

اليوم اخوي راح ليهم في الدمام طاقات
واليكم واقع تجربتة
لمن وصل هناك شاف مجموعة صغيرة معاه مكونة من 15 شخص
المهم اعطوهم محاضرة زمنها ساعة كاملة فلسفة عن برنامج حافز وطاقات
ويتكلمون عن كل شخص لازم ندور له وظيفة كحد اقصى خلال 4 اشهر
بعد 4 اشهر يخرج برا البرنامج ((يعني تنقطع الاعانة منة))
قصدهم في خلال الفترة لو ماقبل وظايفهم الخايسة
لو في خلال ال 4 شهور ماقبلت وظايفهم المعفنة تطلع برا برنامج حافز
المهم نكمل لكم
وبعدها كل شخص يقابل مستشاره وياخد ساعة معاة كمان
لمن قابل مستشارة قال له وش نوع الوظيفة اللي تبيها والراتب
لمن حدد له الوظيفة والراتب قال له انت اتفق مع الشركة اللي راح تعمل معاها مقابلة على الراتب
....................
بعد هذا كلة اي وظيفة يلاقونها للمواطن هو بنفسة يروح الشركة ويعمل مقابلة معاهم
يعني مثال
حافز لقى لك وظيفة بشركة بيتصلو عليك وتروح تعمل مقابلة مع الشركة
ونفس القضية مع 50 شخص بيروحوا معاك بنفس الشركة ونفس المقابلة اللي بتسويها انت مع الشركة
لمن سأل اخويي المستشار كيف بتلقون وظيفة ليي ومعايي 50 شخص على نفس الوظيفة
رد علية قال له نعم اتبث جدارتك معاهم
((لاتعليق .... السالفة فوز مسابقة))
طيب اخويي سألة كيف بدورون لي على وظيفة ؟
قال لة مثلا ارسل سيرتك الذاتية الى 300 شركة
ومن 300 اقل شئ بدقون عليك منهم 20 شركة
ماتتصورو وجع الراس اللي بيجيكم كل يوم مقابلة وكل يوم اتصال
والدعوة بالعربي كل مواطن راح يرسلوه بمركز طاقات عن طريق حافز الاعانة مارح تستمر اكثر من 4 شهور
وراح يشحططوك من شركة لاخرى لين يحللو ال2000 اللي يعطوك اياها
والحين بيصفو الدفعة القديمة علشان الدفعة الجديدة
وان كل مواطن استحقاق صرف الاعانة مدة 12 شهر كلام فاضي
مدة اقصاها 4 شهور فقط
والقادم مذهل ياجماعة
وياريت يلاقون وظايف مثل العالم والناس
__________________
وترى حافز ماراح يدورون لنا وظايف حكومية
كلها قطاع خاص اللي الامان الوظيفي فيها 5%
طيب اهنا يجي السؤال الذكي
ليش لمن تسجل بياناتك في حافز في خيارات بالقطاع المفضل
والوظيفة المرغوبة
ومن ضمن الخيارات القطاع الحكومي ووظائف حكومية
والحين يقولون حافز مايدعم غير القطاع الخاص

________
مارايكم ؟؟

الأحد	الإثنين	الثلاثاء	الأربعاء	الخميس	الجمعة	السبت
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30